- Movie Name
- Lord Of War (2005)
- Year
- 2005
- Generes
- Action, Crime
- Code
- 00675
- Type
- Movie
- Size
- 807 MB
- Country
- Hollywood
- Description
- IMDb Rating (7.6/10) ရရှိထားတဲ့ ဇာတ်ကားပါ။ ကမ္ဘာပေါ်မှာ စစ်မဖြစ်တဲ့ နေ့ ရယ်လို့မရှိဘူးတဲ့။ အနည်း ဆုံးတော့ သေနတ် မှန်ပြီး ကျည်ဆန် ကြောင့် မသေတဲ့သူရယ်လို့ မရှိဘူး တဲ့။ နေ့စဉ်နေ့တိုင်း ကမ္ဘာကြီးရဲ့ တစ်နေရာရာ မှာ သေကြေနေကြ ရစမြဲပဲတဲ့။ လူတွေရဲ့ အတုံ့အလှည့် တွေ က မြန်ဆန် လွန်းတယ် ။ လောဘ ရမ္မက်တွေ၊ အတ္တ မာန်မာနတွေက ကြီးမားလွန်းတယ်။ အဲဒီလို အရာတွေကို စဉ်းစား ရင်း ဒါရိုက်တာ Andrew Nicol ရိုက်ကူးတဲ့ ရုပ်ရှင် ကားတစ်ကားကို ကြည့်လိုက် ရပြန်ပါတယ်။ မိမိချမ်း သာ ကြွယ်ဝဖို့အတွက် လက်နက် အရောင်းအဝယ် လုပ်မိရာက တရား မဝင် ဒုစရိုက် စီးပွားရေး အစွန်း ရောက်သူ အဖြစ်နဲ့ ရုန်း မထွက်နိုင် တော့ဘဲ မိသားစုတွေ ပြိုကွဲပျက်စီး ရတဲ့ လက်နက်ကုန်သည် “ယူရီ”ဆိုတဲ့ လူတစ်ယောက်ရဲ့ ဖြစ်ရပ်မှန်ကို ရိုက် ကူး တင်ပြ ထားပါတယ်။ ကိုယ်စား သရုပ်ဆောင်တဲ့ သူကတော့ ဟော လီးဝုဒ်ရဲ့ နာမည်ကြီးမင်းသား “နစ် ကို လာ့စ်ကေ့ချ်” Nicolas Cage ပါ။ မြေပေါ်မှာ ရွှေဝါရောင် ကော် ဇောကြီး ဖြန့်ခင်းထားသလား ထင်ရ လောက်အောင် ကျည်ဆန်ခွံတွေက ရှူမျှော် မဆုံး။ အဲဒီ အပေါ် မှာ ကျော ပေးပြီး ရပ်နေတဲ့သူက ဖြည်းဖြည်းချင်း လှည့်လာပြီး ဒီစကားကို ပြောပါတယ်။ ကမ္ဘာပေါ်မှာ သေနတ်ပေါင်း သန်း ၅၅ဝကျော် ရှိတယ်။ ကမ္ဘာအနှံ့ လက်နက်တွေ တင်ပို့တယ်။ ခန့်မှန်း ခြေပျမ်းမျှ အနေနဲ့ လူ ၁၂ယောက်မှာ သေနတ်(၁) လက်နှုန်း ဖြစ် တယ်။ ပြဿနာက ဘယ်လို လုပ်ပြီး ကျန်တဲ့ ၁၁ယောက်လုံး ကို သေနတ် တစ်လက် နှုန်းပြည့်စုံ သွားအောင် ဘယ်လို ရောင်းရမလဲ ဆိုပြီး ကျုပ် စဉ်းစားနေ တာဖြစ်တယ်”ဆိုတဲ့ စကား နဲ့ ရုပ်ရှင် ဇာတ်ကားကို စတင်ပါတယ်။ ပြီးတာ နဲ့ အဲဒီမှာ လက်နက် စက်ရုံကြီးက ကျည်ဆန်တွေ ထုတ်လုပ်နေတာ ကို ပြသပါတယ်။ သူ့နာမည် အပြည့်အစုံ က “ယူရီအောလောဗ်” တဲ့။ သူဟာ ရင်ထဲကနေ စကားတွေပြော နေပါတယ်။ ကြောင့်ကြမှု မရှိသလိုပါ ပဲ။ “လောကကြီးရယ် စိတ်မပူပါနဲ့။ ငါ အမှန် အတိုင်း ပြောပါမယ်။ လိမ် ညာမှုတွေ နဲ့ ကိုယ့် ကိုယ်ကိုယ် မတည် ဆောက်နိုင်ဘူး”တဲ့။ သူတို့ မိသားစု တစ်ခုလုံး ယူက ရိန်းကနေ အမေရိကန်ကို ပြောင်း ရွှေ့ လာခဲ့ကြတာပါ။ ရုရှားတွေ ရဲ့ ရန် ကနေ လွတ်ကင်း ဖို့ အတွက် ဂျူး လူမျိုး ဟန်ဆောင်ထားတဲ့ ဂျာမန် မိသားစု တစ်စုပါ။ အဖေ၊ အမေရယ်၊ ညီငယ် ဗိုက်တလီရယ် အပါအဝင် အားလုံး မိသား စုလေးယောက်ပေါ့။ ထမင်း ဆိုင်လေးဖွင့်ပြီး ရပ်တည်နေကြတယ်။ တစ်နေ့မှာ ယူရီဟာ ဖခင်နဲ့ အတူ ဘုရားကျောင်းကို လိုက်သွား တယ်။ ဘုရားသခင် နဲ့ နီးစပ်ချင်လို့ မဟုတ်ပါဘူး တဲ့။ သူ့အတွေးထဲက အစ တစ်ခု ကို ဆွဲထုတ်ချင်လို့ပါတဲ့။ ဖခင်က ဘုရားကျောင်းမှာ လူတစ် ယောက်နဲ့ မိတ်ဆက်ပေးတယ်။ အဲဒီကစပြီး ဘုရားကျောင်း မှာ ပထမ ဆုံး သိကျွမ်းရတဲ “အီလီ” ဆိုတဲ့ အဘိုး ကြီးနဲ့ အစ္စရေး လုပ်သေနတ်ကစပြီး အရောင်း အဝယ်ဖြစ်ခဲ့တယ်။ သူ့ရင်ထဲ မှာတွေးတယ်။ ခိုက် ရန်ဖြစ်ပွားမှုကို အတတ်နိုင်ဆုံး ရှောင် မှဖြစ်မယ်ပေါ့။ ဒါပေမဲ့လည်း အဲဒီလို ခိုက်ရန် ဖြစ်ရမယ့် လူတွေ နဲ့ပဲ အလုပ် လုပ်ရပြန်တယ်။ ဒါလည်း သူ့ရဲ့ ဗီဇကြောင့်ပါပဲတဲ့။ သူဟာမြို့ ပေါ်က ဂိုဏ်းတွေကို ရောင်းချပေး ရတာမျိုးနဲ့တင် မကျေနပ်နိုင် ဘူးဖြစ် တယ်။ လုပ်ငန်းကြီး တစ်ခုကို ဇောက် ချလုပ်ချင်လာတယ်။ လက်နက်တွေ တောင်လို ပုံနေတဲ့အချိန်မှာ ရုတ်တ ရက်တိုက်စရာ လူ မရှိတော့ဘူး။ အမေရိကန် တပ်တွေ ဆုတ်ခွာ သွားကြတော့ လက်နက်တွေ သယ် မသွားကြဘူး။ တောင်လို ပုံပြီး ကျန် နေခဲ့တယ်။ သယ်ယူခက အသစ် ဝယ်ယူတာထက် ပိုပြီး ကုန်ကျစရိတ် များလို့ ယူရီက အဲဒီတောင်လို ပုံနေ တဲ့ သေနတ်တွေကို ငွေဖော်ဖို့ ကြိုး စားတယ်။ ဘယ် တပ်ကိုမဆို သူလက် နက်ရောင်းတယ်။ အစ္စရေးလုပ် သေနတ်တွေကို မွတ်စလင်တွေဆီ ရောင်းတယ်။ ကွန်မြူနစ် လုပ်သေနတ် တွေကို ဖက်ဆစ်တွေ ဆီရောင်းတယ်။ အပြည်ပြည် ဆိုင်ရာ ရဲတပ်ဖွဲ့မှူး “ဂျက်” ဆိုတဲ့ ပုဂ္ဂိုလ်က သူ့ထက် လျင်ပြီး ဥပဒေကို လက်တစ်လုံးခြား လုပ်နိုင် တဲ့ ယူရီကို သိသိကြီး နဲ့ ဖမ်းလို့ မမိ နိုင်လို့ ကိုယ့်ကိုယ်ကိုယ် ဒေါသတွေ ထွက်နေတယ်။ အရေးကြုံ လာရင် ယူရီက သင်္ဘောကို နာမည်ပြောင်း လိုက်တာတွေ၊ အလံပြောင်းလိုက် တာတွေနဲ့ လှည့်စားပစ် လိုက်တယ်။ ဘယ်သူ့ကိုမဆို လက်နက် ရောင်းတယ် ဆိုပေမယ့် “ဘင်လာဒင်” ကိုတော့ မရောင်းဘူး။ ကိုယ်ကျင့် တရားကြောင့် မဟုတ်ဘဲ၊ ချေးများ လွန်းလို့ပါတဲ့။ တစ်နေ့မှာတော့ လစ်ဗျားနိုင်ငံ မှာ လက်နက်တွေ ရောင်းချရင်း၊ လက်နက် ဝယ်သူကပဲ ယူရီရောင်းတဲ့ လက်နက် နဲ့ ညီဖြစ် သူ ဗိုက်တလီ ကို သတ်လိုက်ပါတယ်။ ဒီအဖြစ်မှန်ကို သိတော့ အမေရိကန်မှာ ရှိတဲ့ မိန်းမ နဲ့ ကလေးက ဝေးရာကို စွန့်သွားကြ သလို၊ မိဘတွေ ကလည်း သူ နဲ့ဝေး ရာကို ထွက်သွား ကြပြီ။ ဗိုက်တလီရဲ့ အလောင်းကို ခွဲစိတ်တော့ ရရှိတဲ့ ကျည်ဆန်ခွံကြောင့် ယူရီ တစ်ယောက် အချုပ်ခန်း အတွင်းကို ရောက်လာခဲ့ ရပါတယ်။ ပြီးတော့ အပြည်ပြည် ဆိုင်ရာ ရဲမှူးဂျက်ကို သူက ဒီလိုပြောပါတယ်။ “ငါက မကောင်း ဆိုးဝါးတွေ နဲ့ ပေါင်းတဲ့ကောင်၊ ကမ္ဘာကြီး အတွက် ပျက်စီး သွားတဲ့အရာ အားလုံး အတွက် ငါ့မှာ တာဝန် ရှိတယ်။ ငါက လူသား ချင်းသတ်ဖြတ် စေတဲ့နှောင်ကြိုးကို ကိုင်တဲ့သူ။ ငါ ဘယ်လို အခြေအနေ ဆိုတာ ငါကောင်းကောင်း သိပါတယ်။ ဒါပေမဲ့ ငါတရားရုံးကို ရောက်မှာ မဟုတ်ဘူး။ ဒီမှာဂျက် ဒီအမှုကို ပေါ်အောင် လုပ်နိုင် လို့ မင်းထက် ရာထူးမြင့်တဲ့သူ က မင်းကို ချီးကျူး စကားပြော လိမ့်မယ်။ ကမ္ဘာကြီးဟာ မင်းရဲ့ စွမ်းဆောင်မှုကြောင့် ပိုပြီး အေးချမ်း သွားပြီ လို့ ပြောလိမ့်မယ်။ မင်းကို ဆုတံဆိပ် ချီးမြှင့်မယ်။ ရာထူး တိုးပေးမယ်။ ပြီးတော့ ငါ့ကို လွှတ်လိုက်ပြီ လို့ ပြောလိမ့်မယ်။ မင်းက ဒါက မဖြစ် သင့်ဘူးလို့ ငြင်းဆန်လိမ့် မယ်။ ဒါပေမဲ့ ငါကတော့ လွတ်သွား မှာပဲ။ “ငါ့ကို လွှတ်လိုက်ရတဲ့ အကြောင်းရင်းက မင်းငါ့ကို အပြစ် ရှိတယ်လို့ ယူဆတဲ့ အတိုင်းပဲ။ ငါဟာ ရက်စက်ကြမ်းကြုတ်တဲ့ အာဏာ ရှင် တွေနဲ့ ပခုံးဖက် ပေါင်းခဲ့တာ မှန်ပါတယ်။ ဒါပေမဲ့ အဲဒီ အထဲက ငါတို့ရဲ့ ရန်သူတွေရဲ့ ရန်သူဖြစ်တဲ့ မင်းတို့ရဲ့ သူဌေး ကမှ တကယ့် ကမ္ဘာ့ အကြီးဆုံး လက်နက်ကုန်ကူးတဲ့ သူပါ။ အမေရိ ကန်သမ္မတကြီးပေါ့ကွာ” “သူ(၁)ရက်ကူးတဲ့ လက်နက် တွေက င့ါရဲ့ (၁)နှစ်စာ ထက်ပိုများတယ်။ တစ်ခါတလေ သေနတ်တွေ ပေါ်မှာ သူ့လက်ဗွေရာ ပါသွား ရင် ဖြေရှင်းရ ခက်မယ်လေ။ အဲဒီလိုဖြစ် မှာစိုးလို့ ငါ့လို ကုန်ကူးတဲ့ လူရဲ့ အကူအညီ ယူပြီး သူမပို့နိုင်တဲ့ နိုင်ငံ တွေကို ရောက်အောင် ငါက ပို့ပေးရ တယ်။ ဒါကြောင့် ငါက မရှိရင် မဖြစ် တဲ့ မကောင်းဆိုးဝါး တစ်ကောင်ပါ” သူပြောတဲ့ အတိုင်း ယူရီဟာ တကယ်လည်း လွတ်လာခဲ့ပါတယ်။ လက်နက် ကုန်သည် အလုပ်ကိုပဲ ဆက်လုပ်နေပါတယ်။ ကျည်ဆန် ခွံတွေပေါ်မှာ ရပ်ပြီး သူက ပြောပါ တယ်။ “ဘယ်သူက ကမ္ဘာကို ချုပ် ကိုင်နေတာလဲ သိလား၊ လက်နက် ကုန်သည် တွေပေါ့။ လူတွေ အားလုံး စစ်ပွဲကြားမှာ သေသွားနိုင်တယ်။ အသက်ရှင်ဖို့ လျှို့ဝှက်ချက် ကို ပြော ပြပါ့မယ်။ စစ်နဲ့မပတ်သက်နဲ့”တဲ့။