- Movie Name
- The Legacy Of The Bones (2019)
- Year
- 2019
- Generes
- Crime, Thriller
- Code
- 04383
- Type
- Movie
- Size
- 904 MB
- Country
- Hollywood
- Description
- Netflix မှာ ထွက်ထားတဲ့ဒီဇာတ်ကားကတော့ Crime/Thriller စပိန်ကားဖြစ်ပြီးတော့ Dolores Redondo ရေးထားတဲ့ Baztan Trilogy ကိုရိုက်ထားတဲ့ထဲက ဒုတိယမြောက်ကား။ ပထမကားကတော့ 2017 မှာထွက်ခဲ့တဲ့ The invisible Guardian ဆိုတဲ့ကား။ အဲဒီကားမှာတော့ Salazar က Serial Killer Case ကိုလိုက်ပြီးစုံစမ်းခဲ့တယ်။ Trilogyရဲ့ ဒုတိယကားလို့ဆိုပေမယ့် ပထမကားကိုမကြည့်ထားလည်း ကြည့်လို့ဖြစ်တယ်။ ပထမကားနဲ့ ဆက်စပ်မှုသိပ်မရှိဘူး။ (ကြည့်ထားရင်တော့ ပိုပြီးကောင်းတာပေါ့) ဇာတ်လမ်းအစမှာတော့ စုန်းကဝေအတတ်တွေကိုလေ့လာတာတွေကြောင့် မီးရှို့ခံရတဲ့သူတွေရယ် မွေးကာစကလေးတွေရယ်ပါဝင်ပတ်သက်နေတဲ့အတိတ်တခုနဲ့ စတင်ထားတယ်။ လက်ရှိခေတ်မှာတော့ Salazar ကသူ့ရဲ့မြို့ကိုပြန်ရောက်လာပြီး Church ကျောင်းကိုဝင်ဖျက်စီးပြီး အရိုးတွေထားသွားတဲ့အမှုတခုကိုလိုက်ရတယ်။ အဲဒီအမှုကိုသူလိုက်ဖို့ ရာထူးကြီးတဲ့ ဘုန်းတော်ကြီးတယောက်က တောင်းဆိုထားတယ်လို့သိရတယ်။ နောက်ပြီးသူဖမ်းခဲ့တဲ့ထဲကတယောက်က သူသတ်ခဲ့တဲ့အလောင်းမြှုပ်ထားတဲ့နေရာကို Salazar ကိုရည်ညွှန်းပြီးပေးလိုက်လို့ သွားရှာတဲ့အခါမှာတော့ သူသတ်ထားတဲ့အလောင်းမှာက လက်မောင်းတဖက် ဖြတ်ထားခံရတယ်။ အဲလိုပြောပြီးနောက်မှာတော့ လူသတ်သမားက Tarttalo ဆိုတဲ့စာကိုရေးပြီး သတ်သေသွားတော့တယ်။ နောက်ထပ်လည်း အဲလိုအမှုတွေ ပေါ်လာတဲ့အခါမှာတော့ အတိတ်ကဖြစ်ရပ်တွေရော လက်ရှိမှာလည်း ဘယ်လောက်ထိရှိနေပြီလဲဆိုတာကို လိုက်လံ ရှာဖွေရင်း တရားခံကို ရှာဖွေဖို့ ဖြစ်လာခဲ့တယ်။ စပိန်ကားဖြစ်တဲ့အပြင် နေရာနာမည်တွေလည်း များတဲ့အတွက် နည်းနည်းတော့ ရှုပ်လိမ့်မယ်။ အဲဒါအပြင် အဲဒီမှာနေတဲ့ လူမျိုးတွေ ဘာသာရေး နောက်ခံလေးတွေပါ နည်းနည်းတော့ သိထားမှ အဆင်ပြေပါလိမ့်မယ်။ ဇာတ်လမ်းထဲမှာပါတဲ့ Cagot(ကာဂို) ဆိုတာ အဖိနှိပ်ခံခဲ့ရတဲ့လူမျိုးစုတခုဖြစ်ပြီး သူတို့က ပြင်သစ်ရယ် စပိန်မြောက်ပိုင်းတွေမှာ နေထိုင်ကြတဲ့သူတွေဖြစ်တယ်။ Basque တွေဆိုတာကတော့ စပိန်မှာနေထိုင်ကြတဲ့ထဲက မျိုးနွယ်စုတခုပဲဖြစ်တယ်။ အခုဇာတ်ကားထဲမှာ Basque ဒဏ္ဍာရီထဲက အကောင်နာမည်တချို့ပါတယ်။ Navarre(နဗားဒေသ)ဆိုတာအရင်တုန်းက Basque တွေရဲ့ နိုင်ငံတော်တခုဖြစ်တယ်။ သူတို့ကိုးကွယ်တဲ့ဘာသာကတော့ ခရစ်စယာန်(ကတ်သလစ်) ဖြစ်တယ်။ မြန်မာလိုဆိုရင်တော့ အကျဉ်းရုံးပြောရရင် နှစ်ခြင်းမင်္ဂလာပြုတဲ့ခရစ်ယာန်အသင်းတော်ဖြစ်တယ်။ ဒီလောက် နည်းနည်းပါးပါးသိထားရင်တော့ ကြည့်လို့အဆင်ပြေပါတယ်။ မသိထားလည်း ဇာတ်ကားဆိုလိုရင်းနဲ့ သိပ်မသွေဖယ်သွားပေမယ့် ပိုနားလည်အောင် နည်းနည်းရှင်းပြထားလိုက်ပါတယ်။ အသံထွက်တွေကိုလည်း အနီးစပ်ဆုံးယူထားတာပဲဖြစ်လို့ မှားနေတာလေးတွေ ရှိရင် သည်းခံပေးပါအုံး။ နောက် မင်းသမီးနဲ့ သူ့ယောကျာ်းတို့စကားပြောရင် အင်္ဂလိပ်လိုပဲပြောတာဖြစ်လို့ အဲအခန်းတွေမှာ စာတမ်းထိုးမပါပါဘူး။ ဒါပေမယ့် ဇာတ်ကားကိုဘာမှမထိခိုက်သလိုအရေးကြီးတာတွေလည်းမပါလို့ အဆင်ပြေပါတယ်။