- Movie Name
- The Last Princess (2016)
- Year
- 2016
- Generes
- Action, Biography, Drama
- Code
- 01880
- Type
- Movie
- Size
- 910 MB
- Country
- Korea
- Description
- မင်းသမီးဒုခ် ဟေး ဂိုဂျောင်းမင်းကြီး၏ အငယ်ဆုံးသမီးဖြစ်ပါတယ်။သူမ၏ မိခင်သည် သာမာန် ကိုယ်လုပ်တော်မှ မွေးခဲ့သည့်အတွက် အချိူ့သော တော်ဝင်မိသားစုများက မင်းသမီးဒုခ်ဟေးကို သဘောမကျကြပေ။ ဒါပေမယ့် သူဟာ ဂိုဂျောင်းမင်းကြီး၏ အချစ်ဆုံးသမီးတော်တစ်ပါးဖြစ်ခဲ့နေတယ်။ 1925 ခုနှစ်တွင် မင်းသမီး ဒုခ်ဟေးကို ဂျပန်ပြည်သို့ ပညာတော်သင်ခေါ်ယူသည်ဟုအကြောင်းပြကာ ဓားစာခံအဖြစ် ဂျပန်တို့ကခေါ်ယူထိမ်းသိမ်းထားခဲ့ပါတယ်။ ဂျပန်တို့က ကိုရီးယားနိူင်ငံကို သိမ်းပိုက်ခဲ့ကြသောကြောင့် တော်ဝင်မိသားစုများအားလုံး ဂျပန်တို့ခြယ်လှယ်သမျှခံခဲ့ကြရပြန်လေတယ်။ မင်းသမီးဒုခ်ဟေးလည်း ဂျပန်သို့ရောက်ရှိကတည်းက သူမကို ကိုရီးယားပြည်မှ သတင်းအားလုံးအဆက်အသွယ်အဖြတ်ခံခဲ့ရပြီး 1930 ခုနှစ်တွင် သူမ၏ အမေဇာပနအတွက် တိုင်းပြည်သို့ ခေတ္တပြန်ခွင့်ရခဲ့လေသည်။ သို့သော် အကြောင်းအမျိူးမျိုးကြောင့် ပြန်ခွင့်ကိုပိတ်ခဲ့ပြန်သည်။ 1930 တွင် သူမကို ဂျပန်အင်ပါယာမှ နယ်စား ဆိုတဲယုကီနှင့် လက်ထပ်ရန် ဖိအားပေးခံခဲ့ရသည်။ 1962ခုနှစ် ဇန်နဝါရီလ ၂၆ရက်နေ့တွင် မှ မင်းသမီး ဒုခ်ဟေးသည် ကိုရီးယားပြည်သို့ပြန်ခွင့်ရခဲ့သည်။ ဂျပန်ပြည်တွင် သူမနေထိုင်ခဲ့သည်မှာ ၃၈နှစ်နီးပါးနေထိုင်ခဲ့ရသည်။ ကိုရီးယားနိုင်ငံ၏ နောက်ဆုံးမင်းဆက်မှ နောက်ဆုံးဘုရင်၏ သမီးတော် မင်းသမီးဒုခ်ဟေးအတွက် 1963 ခုနှစ်တွင် သူမအတွက် သီချင်းရေးဆရာ ဟိုရှင်းနမ်က သီချင်းရေးစပ်သီကုံးခဲ့သည်။ 1995 ခုနှစ်တွင် မင်းသမီးဒုခ်ဟေး၏ ဘဝဇာတ်ကြောင်းကို ပြဇာတ်တစ်ခုအဖြစ်ဖန်တီးပြီး ဆိုးလ်အနုပညာဌာနက ကပြခဲ့သည်။ ဂျပန်စာရေးဆရာ ယာဆူကို ဟွန်မက မင်းသမီးဒုခ်ဟေး၏ အတ္ထုပ္ပတိ ဝတ္တုရှည်ကို ရေးသားခဲ့သည်။ ကိုရီးယားစာရေးဆရာ ယောင်ကွမ်ဘီ က မင်းသီးဒုခ်ဟေးအကြောင်းကို 2009 ခုနှစ်တွင် ရေးသားခဲ့သည် ။ ထိုစာအုပ်သည်လည်း ရောင်းအကောင်းဆုံးစာရင်းဝင်ခဲ့သည်။ The Rose of tears သီချင်းကို ကိုရီးယားအဆိုတော် ဟိုဂျင်းဆုက အင်္ဂလိပ် – ကိုရီးယား ၂ဘာသာဖြင့်သီဆိုခဲ့သည်။ 2013 ခုနှစ်တွင် ယခုရုပ်ရှင်ကို အသက်သွင်းရန်ပြင်ဆင်ခဲ့ကြသည်။ ယခု 2016 တွင်မှ ရုံတင်ပြသခဲ့ကြသည်။ ထို့ကြောင့် ကျွန်တော်တို့ Channel Myanmar မှ ထိုသို့ ဂန္တဝင်ကားကြီးကို မကြည့်လိုက်ရဘူးမရှိရအောင် ဘာသာပြန်တင်ဆက်လိုက်ရပါတယ်။ မင်းသမီးဒုခ်ဟေးအကြောင်းကို အတ္ထုပ္ပတိအကျဉ်းချုပ်ပြောပြပြီးတဲ့နောက်မှာ ဇာတ်လမ်းအညွှန်းလေးကို ပြန်ပြောပေးပါရစေ။ မင်းသမီးဒုခ်ဟေးနေရာတွင် Soe Ye-Jin က သဘာဝကျကျ အပိုအလိုမရှိသရုပ်ဆောင်ထားသည်။ မင်းသမီးတစ်ပါး၏ မာန နှင့် ဂျပန်တို့က ဖိနှိပ်ခံရသော်လည်း သည်းခံစိတ်နှင့်ပြန်လည်အနိုင်ယူတတ်ပုံကို အပိုအလိုမရှိသရုပ်ဖော်နိုင်ပါတယ်။ မင်းသမီးတစ်ပါးအနေနဲ့ သူတစ်ပါးတိုင်းပြည်မှာ နှိမ့်ချခံစွာနေထိုင်ရပေမယ့် ကိုရီးယားရိုးရာယဉ်ကျေးမှူ့ကို မမေ့နိုင်ခဲ့ပေ။ ဖိနှိပ်ခံလုပ်သားပြည်သူများကို မင်းသမီးတစ်ပါးအနေနဲ့ အလုပ်ကို ယခုထက်ပိုမိုကြိုးစားကြရန် မိန့်ခွန်းပြောပေးသင့်ကြောင်းဂျပန်တို့က အကျပ်ကိုင်ခဲ့သော်လည်း မိမိပြောလိုသည်များကို ပြည်သူများအတွက် ပြောခဲ့သည့် မိန့်ခွန်းပြောသည့်အခန်းတွင် ကြည့်ရှူ့ရမှာပါ။ အညွှန်းကတော့ အထူးတလည်သိပ်မညွှန်းချင်တော့ပါဘူး ။ ဇာတ်လမ်းကိုပဲ ကြည့်ရှု့ခံစားကြပါလို့….