- Movie Name
- Love At First Stream (2021)
- Year
- 2021
- Generes
- Comedy, Romance
- Code
- PH0008
- Type
- Movie
- Size
- 826 MB
- Country
- Philippines
- Description
- Love at First Stream (2021) IMDb 7.9/10 ကျွန်တော်တို့ အခုလက်ရှိမှာ တွေ့ကြုံရင်ဆိုင်နေရတဲ့ pandemic ကြောင့် နိုင်ငံရေး၊ စီးပွားရေး၊ လူမှုရေး၊ ပညာရေး စတဲ့ အဘက်ဘက်က ဆုတ်ယုတ်မှုတွေ ဖြစ်ခဲ့ ဖြစ်နေဆဲ ဖြစ်ပေမယ့် ဒီကာလမှာ အရင်ကထက် ပိုလို့ အသုံးကျယ်ပြန့်လာတဲ့ အရာတစ်ခုရှိပါတယ်။ အဲဒါကတော့ အင်တာနက်ပါပဲ။ ရောဂါတွေကြောင့် homestay ကာလမှာ အင်တာနက်ကတစ်ဆင့် စာသင်တယ်၊ အင်တာနက်ကတစ်ဆင့် စီးပွားရှာတယ်၊ အင်တာနက်ကနေ ဆက်သွယ်ကြတယ်။ အင်တာနက်ဟာ အရာရာဖြစ်လာပါတယ်။ လူငယ်တွေလည်း ဒီအင်တာနက်ကို အသုံးချပြီး ဘ၀တက်လမ်းတွေရှာကြ၊ ဝါသနာပါရာ အလုပ်တွေကို လုပ်လာကြပါတယ်။ ဒီလိုပဲ ဗီလ်မာဆိုတဲ့ Vlogger ရူးမလေးကလည်း အင်တာနက်ပေါ်ကနေတစ်ဆင့် V-logဆိုတဲ့ channel လေးတစ်ခုထောင်ရင်း ရှိစုမဲ့စု fan လေးတွေနဲ့ pandemic ကာလမှာ သူ ဝါသနာပါရာကို ရှေးရှူနေသူပေါ့။ တစ်နေ့တစ်နေ့ လူစိတ်၀င်စားမယ့် vlog ideaတွေ စဉ်းစားပြီး ကြိုးစားပမ်းစားရိုက်ရတယ်။ Like တွေ Views တွေက သူ့ဘ၀ပါပဲ။ ဗီကတော့ ဒီအလုပ်ကို career တစ်ခုအနေနဲ့ အတည်တကျဆက်လုပ်ချင်ပေမယ့် သားသမီးရဲ့ ဝါသနာကို ဂရုမစိုက် သူတို့လျှောက်စေချင်တဲ့ လမ်းကြောင်းကသာ အမှန်လို့ထင်တဲ့ အာရှမေမေတို့ရဲ့ ထုံးစံအတိုင်း ဗီ့ရဲ့ အမေဟာလည်း vlogger အလုပ်ကို တစ်စက်လေးမှ အားမပေးဘဲ မိသားစုအလုပ်ကိုသာ လုပ်ဖို့ တပျစ်တောက်တောက် ပြောသူပါ။ သိုပေမဲ့ ဗီကလည်း မိဘက ဒါဆို ဟိုဟာလုပ်တဲ့ သားသမီးတို့ရဲ့ ထုံးစံအတိုင်း မိခင်စကားကို တစ်စက်မှ နားမထောင် သူ့ဝါသနာကိုသာ ဆက်လုပ်ပါတယ်။ တစ်နေ့တော့ ဒီကိစ္စနဲ့ ပတ်သတ်ပြီး အချေအတင်ဖြစ်ရာမှ “အိမ်ပေါ်က ဆင်း” ဆိုတဲ့ စကားလုံးထိ ပါလာခဲ့ရာ ဗီတစ်ယောက် သူ့အမေကို သူလုပ်နိုင်တယ်ဆိုတာ သက်သေပြဖို့ Vlogger အလုပ်ကို အပတ်တကုတ်ကြိုးစားရင်းနဲ့မှ အွန်လိုင်းပေါ်က friendship တွေ၊ အွန်လိုင်းပေါ်က အတွေ့အကြုံသစ်တွေ၊ ချစ်မှုရေးရာလေးတွေပါ ကပ်ချိတ်ပါလာပါတော့တယ် …. လူငယ်အချစ် ဇာတ်လမ်းလေး ဖြစ်တဲ့အပြင် ကျွန်တော်တို့နဲ့ မစိမ်းတဲ့ အင်တာနက်ပေါ်က အဖြစ်အပျက်တွေ၊ ဟာသလေးတွေ၊ လူငယ်တို့ရဲ့ ဖြစ်တတ်တဲ့ သဘာ၀လေးတွေနဲ့ ရင်ခုန်စရာ ဇာတ်လမ်းလေးဖြစ်တာကြောင့် စိတ်ညစ်စရာတွေဆီက ခဏတာပြေးထွက်ဖို့ဆို Love at First Stream လေးကို ကြည့်ကြဖို့ တိုက်တွန်းလိုက်ပါရစေ…